مساء الخير في سؤال دايم يتكرر في السناب شات و الانستقرام في الدايركت و في اكثر من بوست عن افضل واقي شمس و ايش ممكن نستخدم طبعا مافي اثنين يختلفو على انه الشمس تضر البشره و تسبب تصبغات و تجاعيد مبكره و مشاكل كثير تهم اي انثى انا اعشق شركه افين بكلللل منتجاتها رائعه صراحه و احس بشرتي تفرق كثير مع منتجاتها بالنسبة لواقي الشمس انا بشرتي مختلطه فاي كريم مايناسبني و علطول يدهن وجهي و يطلع حبوب ... فاخذ دايم لوشن او فلويد اكثر شي عجبني و ناسبني في واقي شمس افين انه بشرتي تمتصه بسرعه و مايدهن ابدا .. ثاني شي انه مايترك اي لون ابيض او اثر لاي كريم و طبعا غير معطر فما يسبب اي تهيج للبشره .. يعني فعلا انا اتركه عشان اجرب غيره و كل مره ارجعله مره ثانيه. حتى تحت البي بي كريم استخدمه و تحت الاساس اذا كنت في اجتماع صباحي . بالنسبه للمنتج الثاني من سيباميد هو للجسم قوته ٥٠ الي عجبني انه نفس الشي تمتصه البشره تماماو درجة حمايته عاليه لانه قليل تلاقي درجه حمايه عاليه للوشن جسم ... مااستخدمه الا على ظهر يدي خصوصا اذا كنت طالعه في مكان و حضطر امشي تحت الشمس...
مدونه تهتمم بكل مايهم المرأه من صحه و رشاقة و تجارب و نصائح, تنمية بشرية, ايجابيه .